يقـول الناس وش بك يا مخــــاوي
عـلام الـــدمع عالخدين ســـايـل
أرد بحـسرةً والحــزن كـــــاوي
حشاي ويعـمل بصدريـي عــمايــل
يبكيـني زمن كـلـه بــــــلاوي
وأهل الخـير به صـــارت قـلايـل
زمن يا حيف كم هــو صار حـاوي
لأهل الشر من كـل الفصـايــــل
وبه كـم شخص أصبح ذيب عـاوي
نيابه مكـشرة تصقل صــقـايــل
زمن يا ناس كم يخــفي خـفــاوي
دهر(ن) للقـــوي وأهل التحـايـل
زمــن منه اختفى معـنى التســاوي
ولـّت منه أفعــال الجـمـايــــل
شـعـوب(ن) تمطر عـليها الهـراوي
ورصاص(ن) كالمطر تهمل هـمــايل
وجريــح(ن) يـا حسافة بـلا مداوي
يقاسي المـوت ولا هو له بـطايــل
وفـقـير(ن) نام ليله بطـــن خاوي
ويتيم ضــاق ويلات ونــكايـــل
وشعـوب (ن) دمـروهـا بالكـماوي
ولاة الأمر كم صــاروا خـذايـــل
ولا تسـمع لهم حكي وطــــراوي
ولا حتى أبد لـهم قـول قــايـــل
كل (ن) منهـم فـي الفـسق هـاوي
صـم بـكـم أعمتهم رذايــــــل
خمر وزمــر ومن تــالي رشـاوي
ويجـيـر الله من باقـي الفـعــايـل
شكينا ومن هو يسمعـها الشكـــاوي
ومن هو اللي يخففها الحــمــايــل
رجينا ومن يلبـيها الــرجــــاوي
لغير الصبر ما يلنا بدايــــــــل
أبكي دهــر فيه الخير ضـــــاوي
شموع للأمل تشعل شـعــايـــــل
دهر(ن) راح ولنا يرويـــــه راوي
وراحت عنده الناس الأصـــايـــل
لآجل هذا بكت عيـنه مخـــــاوي
هم وقهر في هالصدر شـــايــــل
رثيتكـ .. يادهـر ريت الرثــــاوي
لها قدرة على لم الشــمـايـــــل
الجمعة أغسطس 22, 2008 3:55 pm
