فديتك ياهوى نفسي مع الشدات تخاويني
فديتك لاقسى وقتي علي وناحت اشجاني
ابيك في لحظة الفزعه تحط يديك بيديني
وابيك ليا شكيت الياس تكون بساحة اوطاني
ابيك البلسم لجرحي وابيك النوم في عيني
وابيك ليا مني صحيت ألقاك بأ حضانــــــــي
طلبتك يابعد ذاتي امانـــــــــــــــــــه لاتخليني
تراني لو رحلت ابقى ضحية كيد عدونـــــــي
سألتك بالله الوالــــــي سألتك لا تجافينـــــي
لآني اموت بغيابك ياروحي وجثمانــــــــــي
معي واصل مشاوير اواسيك وتواسينـــــي
معي ابقى مثل ظلي حذاري لا تعدانــــــــــي
ابي منك الوعد انك على غيري تبدينـــــــي
وانا هذا وعد مني ماابيعك واشري الثانــــــي
واذا بلسانك الصادق نطقت وقلت تغليني
انا خبر عاجل تعالوا اقروا اعلا نــــــــــــــــي
ابكتب داخل الاعلان الى من صار يغليني
الى قلبي الى عمري الى من صار يهواني
لك اهدي نغم شعري وكل عرق نبض فيني
لك اهدي شذى عطري وياسميني وريحاني
واكتب داخل الاعلان وصيه كان شاريني
معي بالطيب عاملني ولا تجرح بهجراني
ومهما تقسي الدنيا علينا لا تعادينـــــــي
ولا تسعى ابد في يوم في عندي وعصياني
ابيك دكتور لآلآمي من احزاني تداويني
وابي لا كفت ابصاري تكون النور لآعياني
وابي لافاضت انفاسي تكون اول معزيني
وايك بيدينك الثنتين تلف الجسم بأكفانـــي
وبعد ماكون في قبري تذكرني وتبكيني
واكون حزن على بالك ماتغفل وتنساني
ابي لا قالو العذال وش اللي بينك وبيني؟
تبسم وتدمع عيونك من الحسره وفقداني
وتجاوبهم اني حي وبالآضلاع تخفينــي
واني سلوة الخاطر معك لا صرت وحداني
ابيك تقول هو مامات احاكيه ويحاكيني
الجمعة أغسطس 22, 2008 7:45 pm
